«Barselona» yarim himoyachisi Gavi uni futbolchi sifatida yuqori baholamaydigan insonlarga nima deb javob berishini ma’lum qildi.

«Men doim murabbiylar futbolni hammadan ko‘ra yaxshiroq tushunishini aytaman. Men esa shu paytgacha o‘zim ishlagan har bir murabbiy qo‘l ostida doimiy ravishda maydonga tushib kelganman. Shuning uchun odamlarning nima deb o‘ylashi menga mutlaqo qiziq emas. Futboldan umuman xabari bo‘lmagan insonlar ko‘pligini bilaman va bu tabiiy hol. Modomiki klubim va murabbiylarim mendan mamnun ekan, qolgan narsalar menga bir tiyin», — deya Gavining so‘zlaridan iqtibos keltiradi Barca Universal nashri.

Gavi «Barselona» akademiyasi tarbiyalanuvchisi hisoblanadi. Uning «ko‘k-anorranglilar» bilan amaldagi shartnomasi 2030 yilning 30 iyuniga qadar mo‘ljallangan. Joriy mavsumda yarim himoyachi kataloniyaliklar safinda barcha turnirlar doirasida 12 ta uchrashuvda maydonga tushib, bitta golli uzatmani amalga oshirdi.