«MYU» yarim himoyachisi Brunu Fernandesh Roy Kinning uning APLdagi golli uzatmalar bo‘yicha rekordi borasida bildirgan tanqidiy fikrlariga javob qaytardi.
Bundan avvalroq «MYU» sobiq xavbeki shunday degan edi: ««Nottingem»ga qarshi butun o‘yin faqat mana shu (rekord) atrofida aylandi, bu meni g‘azablantirdi. Bu shunchaki sirk».
Ma’lumot uchun, Brunu APLning joriy mavsumida 20 ta golli uzatmani amalga oshirdi va liga rekordini takrorladi.
«Men hech qachon buning ortidan quvmaganman. Odamlar men haqimda turlicha fikrda bo‘lishlari mumkinligini bilaman, ammo hech kim meni jamoaga muvaffaqiyat qozonishda yordam berishga harakat qilmayapti, deya olmaydi.
Men doimo shaxsiy mukofotlarni emas, balki jamoaviy kuboklarni qo‘lga kiritishga intilaman», — dedi Brunu.
