«Napoli» Maurisio Sarriga bir mavsumga uzaytirish imkoniyati bilan ikki yillik shartnoma taklif qilishga tayyor, deya xabar bermoqda La Gazzetta dello Sport.
Neapol klubi murabbiyga bonuslardan tashqari yiliga taxminan 3,5 million yevro miqdorida maosh bermoqchi. Sarri 2015 yildan 2018 yilgacha boshqargan jamoasiga qaytishga tayyor.
Bunga qadar murabbiy «Lasio» bilan amaldagi kelishuvni bekor qilish va klubdan ketish borasida kelishib olishi kerak bo‘ladi.
Avvalroq Antonio Konte joriy mavsum yakunlanganidan keyin «Napoli» bosh murabbiyligidan ketishi haqida xabar berilgan edi.













