Roberto Manchini yana Italiya terma jamoasini boshqarishni orzu qilmoqda. Insayder Nikolo Skiraning ma’lumotlariga ko‘ra, 61 yoshli mutaxassis buning uchun yiliga 2 million yevro miqdoridagi kam ish haqiga rozi bo‘lishga tayyor.
Yakuniy qarorni Italiya futbol federasiyasining yangi prezidenti qabul qiladi. Milliy terma jamoa bosh murabbiyligi lavozimiga, shuningdek, «Napoli»dan Antonio Konte va «Milan»dan Massimiliano Allegri ham da’vogarlik qilmoqda.
Eslatib o‘tamiz, Roberto Manchini 2018 yildan 2023 yilgacha Italiya terma jamoasini boshqargan edi. Uning qo‘l ostida terma jamoa 2020 yilgi Yevropa chempionatida g‘olib chiqqan. Shuningdek, milliy jamoa Millatlar ligasida ikki bor bronza medalini qo‘lga kiritgan.













