48 yoshli Marku Silva «Benfika» klubi bosh murabbiyi lavozimiga tayinlanadi, deya xabar berdi jurnalist Sasha Tavolyeri.
Lissabon klubi portugaliyalik mutaxassis bilan shartnoma borasida kelishuvga erishdi. Tayinlov haqida yaqin vaqt ichida rasman e’lon qilinishi kutilmoqda.
Shu tariqa, Silva «Benfika»da Joze Mourinyuning o‘rnini egallaydi. Mourinyo esa Madridning «Real» klubi bosh murabbiyi etib tayinlanishga juda yaqin turibdi.
Eslatib o‘tamiz, Marku Silva 2021 yilning iyul oyidan buyon «Fulxem»ni boshqarib kelmoqda. Joriy mavsumda London jamoasi APLning so‘nggi turi oldidan 37 ta o‘yinda 49 ochko jamg‘argan holda turnir jadvalida 13-o‘rinni egallab turibdi.













