Germaniya terma jamoasi bosh murabbiyi Yulian Nagelsmann Manuel Noyer 2026 yilgi Jahon chempionatida milliy jamoaning asosiy darvozaboni bo‘lishini tasdiqladi.
«Men Noyerdan birinchi raqam sifatida foydalanishni rejalashtiryapman. Uning mahoratini va jamoaga nima bera olishini hamma biladi», — deya Nagelsmannning so‘zlarini keltirmoqda Bayern & Germany.
40 yoshli darvozabon avvalroq Yevropa chempionatidan so‘ng xalqaro faoliyatini yakunlagan edi, biroq keyinchalik terma jamoaga qaytdi va bo‘lajak mundial qaydnomasidan joy oldi.
Avvalroq Germaniya terma jamoasining yakuniy tarkibi ma’lum bo‘lgan edi. Guruh bosqichida Germaniya Kyurasao, Kot-d'Ivuar va Ekvador terma jamoalari bilan bir guruhda o‘ynaydi.
