Германия терма жамоаси бош мураббийи Юлиан Нагельсманн Мануэль Нойер 2026 йилги Жаҳон чемпионатида миллий жамоанинг асосий дарвозабони бўлишини тасдиқлади.
«Мен Нойердан биринчи рақам сифатида фойдаланишни режалаштиряпман. Унинг маҳоратини ва жамоага нима бера олишини ҳамма билади», — дея Нагельсманннинг сўзларини келтирмоқда Bayern & Germany.
40 ёшли дарвозабон аввалроқ Европа чемпионатидан сўнг халқаро фаолиятини якунлаган эди, бироқ кейинчалик терма жамоага қайтди ва бўлажак мундиал қайдномасидан жой олди.
Аввалроқ Германия терма жамоасининг якуний таркиби маълум бўлган эди. Гуруҳ босқичида Германия Кюрасао, Кот-д'Ивуар ва Эквадор терма жамоалари билан бир гуруҳда ўйнайди.
