Yaqinda «Bavariya» darvozaboni Yonas Urbig 2026 yilgi Jahon chempionatiga Germaniya terma jamoasining to‘rtinchi darvozaboni sifatida borishi ma’lum bo‘ldi. Futbolchi nemislar bilan birga mashg‘ulot o‘tkazadi va zarurat tug‘ilsa, qaydnomaga kiritiladi.
Germaniya terma jamoasi murabbiylar shtabi nega bunday qarorga kelgani haqida jamoa ustozi Yulian Nagelsmann tushuntirish berdi.
«Biz mashg‘ulotlar uchun ixtiyorimizda to‘rtinchi darvozabon bo‘lishini istadik. U «Bavariya»da ham, bizning mashg‘ulotlarimizda ham o‘zini juda yaxshi ko‘rsatdi. U jamoani yaxshi energiya bilan ta’minlaydi», — deya murabbiyning so‘zlarini keltirmoqda Bayern & Germany.
Joriy mavsumda 22 yoshli Urbig barcha turnirlarda 19 ta o‘yinda ishtirok etdi va ularning oltitasida o‘z darvozasi daxlsizligini saqlab qoldi.
