Avvalroq «Sautgempton» raqib mashg‘ulotlarini yashirincha kuzatgani sababli Chempionship pley-off bosqichidan chetlashtirilgan edi. Mirror nashrining xabar berishicha, ushbu vaziyatdan «Manchester Yunayted» unumli foydalanib qolishi mumkin. «Qizil iblislar» «avliyolar»ning 22 yoshli yarim himoyachisi Shi Charlzga qiziqish bildirmoqda.

Ta’kidlanishicha, ayni damda «Manchester Yunayted» «Sautgempton» atrofidagi voqealar rivojini diqqat bilan kuzatib bormoqda.

Shi Charlz — «Manchester Siti» tarbiyalanuvchisi hisoblanadi. U «Sautgempton» safiga 2023 yilda kelib qo‘shilgan edi. Joriy mavsumda tayanch yarim himoyachisi barcha turnirlarda 38 ta o‘yin o‘tkazib, 6 ta gol urdi va 2 ta golli uzatmani amalga oshirdi. Transfermarkt portali mutaxassislari Charlzning transfer qiymatini 12 million yevroga baholamoqda.