Аввалроқ «Саутгемптон» рақиб машғулотларини яширинча кузатгани сабабли Чемпионшип плей-офф босқичидан четлаштирилган эди. Mirror нашрининг хабар беришича, ушбу вазиятдан «Манчестер Юнайтед» унумли фойдаланиб қолиши мумкин. «Қизил иблислар» «авлиёлар»нинг 22 ёшли ярим ҳимоячиси Ши Чарльзга қизиқиш билдирмоқда.

Таъкидланишича, айни дамда «Манчестер Юнайтед» «Саутгемптон» атрофидаги воқеалар ривожини диққат билан кузатиб бормоқда.

Ши Чарльз — «Манчестер Сити» тарбияланувчиси ҳисобланади. У «Саутгемптон» сафига 2023 йилда келиб қўшилган эди. Жорий мавсумда таянч ярим ҳимоячиси барча турнирларда 38 та ўйин ўтказиб, 6 та гол урди ва 2 та голли узатмани амалга оширди. Transfermarkt портали мутахассислари Чарльзнинг трансфер қийматини 12 миллион еврога баҳоламоқда.