Nigeriyalik futbolchi Maykl Folorunsho «Kalyari»dagi bir yillik ijara muddati yakunlanganidan so‘ng «Napoli»ga qaytadi. Sardiniya klubi futbolchini to‘liq sotib olmaslikka qaror qildi, chunki shartnomada ko‘rsatilgan transfer bahosi yarim himoyachining o‘yin sifatiga nisbatan haddan tashqari yuqori deb hisoblandi.

Folorunsho yakuniga yetayotgan mavsum davomida 27 ta uchrashuvda maydonga tushib, o‘z hisobiga ikkita gol yozdirib qo‘ydi — u «Piza» va «Parma» darvozalarini ishg‘ol qilishga muvaffaq bo‘ldi. Ayni paytda Sardiniya klubi Italiya A Seriyasi turnir jadvalida 16-o‘rinni egallab turibdi va so‘nggi tur oldidan elitada qolish vazifasini muddatidan oldin uddaladi. So‘nggi turda «Kalyari» safarda, «San-Siro» stadionida «Milan»ga qarshi maydonga tushadi. Ushbu uchrashuv yakshanba kuni, 24 mayda bo‘lib o‘tadi.