«Chelsi» himoyachisi Yorrel Xato mamlakat chempionatining so‘nggi ikki o‘yini haqida o‘z fikrlarini bildirdi. Avvalroq «ko‘klar» «Tottenxem»ni mag‘lub etgan edi (2:1), so‘nggi turda esa 24 may kuni «Sanderlend» bilan to‘qnash kelishadi.

«Biz Kubok finalidan so‘ng ligada ikkita muhim o‘yinimiz qolganini va olti ochko olishimiz kerakligini bilardik. «Tottenxem»ga qarshi birinchi qismni yaxshi o‘tkazdik, endi yakshanba kuni bizni ikkinchi qism kutmoqda. «Sanderlend» bilan o‘yin qiyin bo‘ladi, lekin turnir jadvalida imkon qadar yuqoriroqqa ko‘tarilish uchun bu juda muhim.

Bizda yaxshi imkoniyatlar bor. Nima qilishimiz kerakligini bilamiz. Yevrokuboklardagi o‘rnimizni ta’minlash uchun bizga uch ochko kerak. Yakshanba kuni u yerga g‘alaba qozonish uchun boramiz. «Chelsi» — katta klub, shuning uchun biz yevrokuboklarda bo‘lishimiz shart», — deya Xatoning so‘zlarini keltirmoqda «Chelsi» rasmiy sayti.