«Yuventus» «Manchester Siti»ning tajribali yarim himoyachisini o‘z safiga qo‘shib olmoqchi.

Italiyaning «Tuttosport» nashri tarqatgan ma’lumotlarga ko‘ra, «keksa sinyora» sport rahbariyati shu yozda Angliyani tark etishi kutilayotgan 32 yoshli Mateo Kovachichga qiziqish bildirmoqda.

Qayd etilishicha, «byankonerilar» bosh murabbiyi Luchano Spalletti Kovachichni o‘z jamoasida ko‘rishni xohlamoqda, biroq hozircha tomonlar ehtimoliy transfer bo‘yicha muzokaralar olib borishmayapti.

Qizig‘i shundaki, Mateo Kovachich A Seriyada to‘p tepish tajribasiga ega — u 2013-2015 yillar oralig‘ida «Inter» sharafini himoya qilgan.