«Ювентус» «Манчестер Сити»нинг тажрибали ярим ҳимоячисини ўз сафига қўшиб олмоқчи.

Италиянинг «Tuttosport» нашри тарқатган маълумотларга кўра, «кекса синьора» спорт раҳбарияти шу ёзда Англияни тарк этиши кутилаётган 32 ёшли Матео Ковачичга қизиқиш билдирмоқда.

Қайд этилишича, «бьянконерилар» бош мураббийи Лучано Спаллетти Ковачични ўз жамоасида кўришни хоҳламоқда, бироқ ҳозирча томонлар эҳтимолий трансфер бўйича музокаралар олиб боришмаяпти.

Қизиғи шундаки, Матео Ковачич А Серияда тўп тепиш тажрибасига эга — у 2013-2015 йиллар оралиғида «Интер» шарафини ҳимоя қилган.