Angliyaning «Chelsi» klubi himoyachisi Yorrel Xato 2025 yilning yozida Niderlandiyaning «Ayaks» klubidan ko‘chib o‘tganidan keyingi jamoaga moslashish (adaptasiya) jarayoni haqida gapirdi.

«Agar dastlabki bir necha oy oson kechdi desam, yolg‘on gapirgan bo‘laman, chunki unday bo‘lmadi. Bu juda qiyin davr edi, ammo mavsumning ikkinchi yarmida siz mening eng yaxshi tomonlarimni ko‘rdingiz. Men o‘z fazilatlarimni — «Ayaks»da namoyish etgan o‘yinimni ko‘rsata oldim. Men sezilarli darajada o‘sdim, jumladan, o‘zimga bo‘lgan ishonchim ham ortdi, aynan shu sababli hozir maydonga tushyapman», — deya Xatoning so‘zlarini keltiradi «Chelsi» rasmiy sayti.

Angliya Premyer-ligasining joriy mavsumida 20 yoshli Yorrel Xato 21 ta uchrashuvda maydonga tushdi. Shuningdek, uning hisobida Chempionlar ligasida 4 ta o‘yin bor. Angliya Kubogida himoyachi 5 ta bahsda qatnashib, 2 ta gol urdi, Angliya liga Kubogida esa 5 ta uchrashuvda maydonga tushib, 1 ta golli uzatmani amalga oshirdi.