«Arsenal» bosh murabbiyi Mikel Arteta jamoani 22 yil ichida ilk bor Angliya chempionligiga boshlab keldi. Ispaniyalik mutaxassis bu muvaffaqiyatga faqat o‘zigina sababchi emasligini ta’kidladi. Arteta hatto Arsen Vengerni ham yodga oldi.

«Biz APLda faqat men tufayli g‘olib chiqqanimiz yo‘q. Bu yerda juda ko‘plab insonlarning mehnati bor. Keling, Arsen Venger bu yerda qurgan poydevorni ham unutmaylik», — dedi Arteta matbuot anjumanida jurnalistlarga.

Angliya chempionatining so‘nggi turida «Arsenal» London derbisida «Kristal Pelas»ga qarshi maydonga tushadi. O‘yin yakshanba, 24 may kuni bo‘lib o‘tadi. 30 may kuni esa «kanonirlar» Chempionlar ligasi finalida «PSJ» bilan bahs olib borishadi.