«Арсенал» бош мураббийи Микель Артета жамоани 22 йил ичида илк бор Англия чемпионлигига бошлаб келди. Испаниялик мутахассис бу муваффақиятга фақат ўзигина сабабчи эмаслигини таъкидлади. Артета ҳатто Арсен Венгерни ҳам ёдга олди.
«Биз АПЛда фақат мен туфайли ғолиб чиққанимиз йўқ. Бу ерда жуда кўплаб инсонларнинг меҳнати бор. Келинг, Арсен Венгер бу ерда қурган пойдеворни ҳам унутмайлик», — деди Артета матбуот анжуманида журналистларга.
Англия чемпионатининг сўнгги турида «Арсенал» Лондон дербисида «Кристал Пэлас»га қарши майдонга тушади. Ўйин якшанба, 24 май куни бўлиб ўтади. 30 май куни эса «канонирлар» Чемпионлар лигаси финалида «ПСЖ» билан баҳс олиб боришади.
