Madridning «Atletiko» klubi futbolchisi Markos Lyorente jamoadoshi Xulian Alvaresning kelajagi haqidagi savolga javob berdi.
Ma’lumki, argentinalik hujumchiga anchadan beri «Barselona» qiziqish bildirib kelayotgan edi, shuningdek, unga da’vogarlar qatorida Londonning «Arsenal» va Fransiyaning «PSJ» klublari ham tilga olinmoqda.
«Alvares jamoadan ketadimi? Men bilmayman, buni hech birimiz bilmaymiz. Menimcha, uning o‘zi ham buni hali aniq bilmasa kerak. Men uni «Atletiko»da baxtli ekanini ko‘ryapman, ammo balki u ketish haqida o‘ylayotgandir va biz bundan hali bexabardirmiz. Bu bo‘lishi mumkin bo‘lgan vaziyat», — dedi Lyorente «El Partidazo de COPE» bilan suhbatda.
Eslatib o‘tamiz, Xulian Alvaresning «matraschilar» bilan amaldagi shartnomasi 2030 yilgacha mo‘ljallangan bo‘lib, uning «Transfermarkt» portalidagi bahosi 90 million yevroni tashkil etadi.
