Hujumchi Krishtianu Ronaldu «An-Nasr» tarkibida Saudiya Arabistoni chempioni bo‘ldi. 41 yoshli futbolchi so‘nggi tur doirasida «Damak»ka qarshi kechgan va 4:1 hisobidagi g‘alaba bilan yakunlangan uchrashuvda dubl qayd etdi. Jorje Jezush shogirdlari «Al-Hilol» klubini ikki ochkoga ortda qoldirgan holda marrani birinchi bo‘lib yakunlashdi.
«Titul taqdirini hal qilgan dubl. Krishtianu Ronaldu, yana kim ham bo‘lardi?» — deyiladi Portugaliya terma jamoasining rasmiy akkauntida qoldirilgan postda.
Ronaldu Saudiya Pro-ligasi to‘purarlar poygasida 28 ta gol bilan uchinchi o‘rinni egalladi. Eslatib o‘tamiz, yulduzli faxriy futbolchi Portugaliya milliy terma jamoasining bo‘lajak Jahon chempionati uchun qaydnomasidan joy olgan.
