«Napoli» bosh murabbiyi Antonio Konte jamoadagi lavozimini tark etadi. Bu haqda taniqli insayder Fabrisio Romano xabar bermoqda.
Manba bergan ma’lumotlarga ko‘ra, yaqin vaqt ichida tomonlar hech qanday tovon pulisiz (kompensasiyasiz) o‘zaro mehnat shartnomasini bekor qilishadi. Konte shu dam olish kunlari klubdan ketishini rasman e’lon qilishi kutilmoqda.
Antonio Konte «Napoli» klubini 2024 yildan buyon boshqarib kelayotgan edi. Uning qo‘l ostida jamoa Italiya chempioniga aylandi va mamlakat Superkubogida zafar quchdi. Joriy mavsumda neapolliklar A Seriya turnir jadvalida ikkinchi o‘rinni egallab turishibdi — ular 37 ta uchrashuvda o‘z hisoblariga 73 ochko yozib qo‘yishga muvaffaq bo‘lishdi.
So‘nggi turda «Napoli» o‘z maydonida «Udineze»ni qabul qiladi. Ushbu uchrashuv 24 may kuni bo‘lib o‘tadi.













