Avstraliya chempionatining eng yaxshi futbolchisi sovrinini qo‘lga kiritgan ispaniyalik mashhur futbolchi Xuan Mata o‘z kelajagi haqida bosh qotirmoqda. Uning klub bilan tuzgan shartnomasi A-ligada mavsum yakunlanganidan keyin o‘z nihoyasiga yetdi.

«Vestern Sidney Uonderers» klubidagi muvaffaqiyatsiz mavsumdan so‘ng, futbolchi o‘z faoliyatini qayta tiklashga muvaffaq bo‘ldi. Joriy mavsumda u maydonda 1684 daqiqa harakat qilib, 5 ta gol urdi va jamoasining yana 13 ta golli hujumida bevosita ishtirok etdi.

«Hozir men uchun eng asosiy savol — bundan keyin ham o‘ynashni xohlaymanmi yoki yo‘q. Futboldan zavq olayotgan paytda faoliyatni tugatish juda qiyin. Ammo ba’zida katta futboldan chiroyli notada ketish uchun eng munosib vaqt aynan shunday payt bo‘ladi», — deya futbolchining so‘zlarini keltirmoqda «The Guardian» nashri.

Mata, shuningdek, o‘z shaxsiy sovrinini jamoaviy muvaffaqiyatga bajonidil almashtirgan bo‘lishini ham ta’kidlab o‘tdi. «Melburn Viktori» klubining mavsumdagi ishtiroki pley-off bahsida «Sidney» jamoasidan qabul qilingan mag‘lubiyat bilan yakun topdi.