Австралия чемпионатининг энг яхши футболчиси совринини қўлга киритган испаниялик машҳур футболчи Хуан Мата ўз келажаги ҳақида бош қотирмоқда. Унинг клуб билан тузган шартномаси А-лигада мавсум якунланганидан кейин ўз ниҳоясига етди.

«Вестерн Сидней Уондерерс» клубидаги муваффақиятсиз мавсумдан сўнг, футболчи ўз фаолиятини қайта тиклашга муваффақ бўлди. Жорий мавсумда у майдонда 1684 дақиқа ҳаракат қилиб, 5 та гол урди ва жамоасининг яна 13 та голли ҳужумида бевосита иштирок этди.

«Ҳозир мен учун энг асосий савол — бундан кейин ҳам ўйнашни хоҳлайманми ёки йўқ. Футболдан завқ олаётган пайтда фаолиятни тугатиш жуда қийин. Аммо баъзида катта футболдан чиройли нотада кетиш учун энг муносиб вақт айнан шундай пайт бўлади», — дея футболчининг сўзларини келтирмоқда «The Guardian» нашри.

Мата, шунингдек, ўз шахсий совринини жамоавий муваффақиятга бажонидил алмаштирган бўлишини ҳам таъкидлаб ўтди. «Мельбурн Виктори» клубининг мавсумдаги иштироки плей-офф баҳсида «Сидней» жамоасидан қабул қилинган мағлубият билан якун топди.