«Manchester Siti» yarim himoyachisi Bernardu Silva kelajagi borasidagi masalani Jahon chempionati boshlangunga qadar hal qilmoqchi ekanligini ma’lum qildi. Bu haqda u Canal 11 telekanaliga bergan intervyusida aytib o‘tdi.
Ismi Madridning «Atletiko»si va boshqa bir qator klublar bilan bog‘lanayotgan portugaliyalik futbolchi hali yakuniy qarorga kelmaganini, biroq muzokaralar jarayoni uning vakili orqali davom etayotganini tan oldi.
«Nimani xohlayotganim haqida tasavvurga egaman. Agentim bilan gaplashyapman, u esa klublar bilan muloqotda. Kelasi mavsumda qayerda o‘ynashimni bilmayman. Hozir bor e’tiborimni «Siti»ga va xayrlashuv o‘yinimga qaratganman. Qarorni esa mavjud variantlardan kelib chiqib qabul qilaman», — dedi futbolchi.
Silva, shuningdek, yangi klub tanlashda ham sport ambisiyalarini, ham oilaviy sharoitlarni, jumladan, rafiqasi va qizining qulayligini hisobga olishini ta’kidladi.
