«Liverpul» bosh murabbiyi Arne Slot mavsumning «Enfild»dagi so‘nggi o‘yini Muhammad Saloh uchun xayrlashuv uchrashuvi bo‘lishi yoki yo‘qligi haqidagi savolga javob berishni istamadi.
«Men hech qachon tarkib tanlovi haqida gapirmayman», — deya murabbiyning so‘zlaridan iqtibos keltiradi BBC.
Salohning «Liverpul» o‘yin uslubi haqidagi ommaviy bayonotlaridan so‘ng vaziyat keskinlashgan edi. Slot buni nizo darajasiga ko‘tarmaslikka harakat qildi:
«Mening nimani his qilayotganim u qadar muhim emas. Muhimi — Chempionlar Ligasiga yo‘llanma olish va jamoani to‘g‘ri tayyorlashdir. Men yozda va kelasi mavsumda jamoani rivojlantirish yo‘lini topishim hamda o‘zimga yoqadigan futbolni o‘ynatishim kerak».
24 may kuni «Liverpul» o‘z maydonida «Brentford»ni qabul qiladi. Jamoalar APL turnir jadvalida tegishlicha beshinchi va to‘qqizinchi o‘rinlarni egallab turishibdi.
