Italiyaning «Milan» klubi yulduzli yarim himoyachisi Luka Modrich jamoa bilan birgalikda sovrin yutish istagida ekanini bildirdi. Uning so‘zlariga ko‘ra, u klubga aynan shu maqsadda o‘tgan.
«Milan»ni tanlaganimda, klubning g‘alaba qozonishiga yordam berishni rejalashtirgan edim. Bu mavsumda hammasi ham ko‘ngildagidek bo‘lmadi, ammo men «Milan» bilan baribir sovrin yutish niyatimdan qaytmayman. Bu yerda menga juda yaxshi, shahar, taomlar menga juda yoqadi. Men pastani sevib iste’mol qilaman, shuningdek, tog‘lar, dengiz va ko‘llarning yaqinligi menga zavq bag‘ishlaydi», — deya Modrichning so‘zlaridan iqtibos keltiradi pianetamilan.it.
Eslatib o‘tamiz, xorvatiyalik futbolchi avvalroq Londonning «Tottenxem» va Madridning «Real» klublari sharafini himoya qilgan.
