Avval xabar berganimizdek, ispaniyalik faxriy Pedro so‘nggi besh yilni o‘tkazgan Rimning «Lasio» klubini tark etmoqda. U muxlislar bilan xayrlashar ekan, buni «juda qayg‘uli kun» deb atadi.
«Bu men uchun juda qayg‘uli kun. Men oilamga aylanib qolgan jamoa bilan xayrlashishim kerak. Men nafaqat jamoadoshlarimga, balki muxlislarga ham rahmat aytishim kerak. Yagona afsuslanarli jihati shundaki, bu yillar davomida birorta ham sovrin yuta olmadik», — deya Pedroning so‘zlaridan iqtibos keltiradi derbyderbyderby.it.
Eslatib o‘tamiz, ispaniyalik futbolchi umumiy hisobda «Lasio» safida 208 ta o‘yinda maydonga tushib, 38 ta gol urgan. Avvalroq u Kataloniyaning «Barselona» klubi sharafini himoya qilgan.
