Аввал хабар берганимиздек, испаниялик фахрий Педро сўнгги беш йилни ўтказган Римнинг «Лацио» клубини тарк этмоқда. У мухлислар билан хайрлашар экан, буни «жуда қайғули кун» деб атади.

«Бу мен учун жуда қайғули кун. Мен оиламга айланиб қолган жамоа билан хайрлашишим керак. Мен нафақат жамоадошларимга, балки мухлисларга ҳам раҳмат айтишим керак. Ягона афсусланарли жиҳати шундаки, бу йиллар давомида бирорта ҳам соврин юта олмадик», — дея Педронинг сўзларидан иқтибос келтиради derbyderbyderby.it.

Эслатиб ўтамиз, испаниялик футболчи умумий ҳисобда «Лацио» сафида 208 та ўйинда майдонга тушиб, 38 та гол урган. Аввалроқ у Каталониянинг «Барселона» клуби шарафини ҳимоя қилган.