Italiyalik himoyachi Rikardo Kalafyori Londonning «Arsenal» klubi bilan birgalikda Angliya chempioniga aylandi. Mavsum davomida u 25 ta o‘yinda ishtirok etib, maydonda jami 1662 daqiqa harakat qildi. Shu tariqa, u Angliya Premyer-ligasida g‘olib chiqqan klublarda to‘p tepgan italiyalik futbolchilar rekordini yangiladi.
Ushbu rekord 2011/2012 yilgi mavsumda Mario Balotelli tomonidan o‘rnatilgan bo‘lib, o‘shanda u 23 ta o‘yinda jami 1321 daqiqa o‘ynagan edi.
Eslatib o‘tamiz, «Arsenal» oxirgi yigirma ikki yil ichida ilk bor Angliya chempioni bo‘ldi. Bu oxirgi marta Arsen Venger davrining gullagan paytida — 2004 yilda yuz bergan edi. Bir haftadan keyin klub Liga chempionlari finalida ham maydonga tushishi kerak.
