Angliya terma jamoasi bosh murabbiyi Tomas Tuxel nima uchun Fil Fodenni 2026 yilgi Jahon chempionati tarkibiga kiritmaganini aytib berdi. Tuxelning so‘zlariga ko‘ra, muammo faqatgina «Manchester Siti» yarim himoyachisining sport formasida emas, balki uning maydondagi pozisiyasi bilan ham bog‘liq bo‘lgan.
«U terma jamoada ham mashg‘ulotlarda, ham maydon tashqarisida ajoyib ishladi. Bu qarorni unga yetkazish men uchun haqiqatan ham og‘ir bo‘ldi. Yakunda men uning pozisiyasi qayerda ekanligini tushunmadim. U o‘nlikmi? Soxta to‘qqizlikmi? Yoki balki sakkizinchi raqam pozisiyasidagi Bernardu Silva uslubidagi o‘yinchimi? O‘yinchilarni o‘zlariga qulay bo‘lmagan joyga qo‘yish uchun tarkibga olishni to‘g‘ri deb hisoblamayman. Bu futbolchilarni baxtsiz qiladi», — deya murabbiyning so‘zlarini keltiradi talkSPORT.
Joriy mavsumda Foden APLning 32 ta o‘yinida 7 ta gol urdi va 5 ta golli uzatmani amalga oshirdi.
