Англия терма жамоаси бош мураббийи Томас Тухель нима учун Фил Фоденни 2026 йилги Жаҳон чемпионати таркибига киритмаганини айтиб берди. Тухелнинг сўзларига кўра, муаммо фақатгина «Манчестер Сити» ярим ҳимоячисининг спорт формасида эмас, балки унинг майдондаги позицияси билан ҳам боғлиқ бўлган.
«У терма жамоада ҳам машғулотларда, ҳам майдон ташқарисида ажойиб ишлади. Бу қарорни унга етказиш мен учун ҳақиқатан ҳам оғир бўлди. Якунда мен унинг позицияси қаерда эканлигини тушунмадим. У ўнликми? Сохта тўққизликми? Ёки балки саккизинчи рақам позициясидаги Бернарду Силва услубидаги ўйинчими? Ўйинчиларни ўзларига қулай бўлмаган жойга қўйиш учун таркибга олишни тўғри деб ҳисобламайман. Бу футболчиларни бахтсиз қилади», — дея мураббийнинг сўзларини келтиради talkSPORT.
Жорий мавсумда Фоден АПЛнинг 32 та ўйинида 7 та гол урди ва 5 та голли узатмани амалга оширди.
