«Bavariya» hujumchisi Xarri Keyn «Barselona»ning e’tiborida qolmoqda. Kataloniyaliklar ingliz futbolchisini mavsum yakunida erkin agentga aylanadigan Robert Levandovskining ideal o‘rinbosari sifatida ko‘rishmoqda.
Transfer News Live nashrining El Nacionalga tayanib xabar berishicha, «Barselona» ichida Keynning nomzodiga bo‘lgan qiziqish va qo‘llab-quvvatlash ortib bormoqda. Bosh murabbiy Xans-Diter Flik jamoada aynan elita darajasidagi forvardni ko‘rishni istaydi.
«Ko‘k-anorranglilar» ayni damda Xarri Keyndan tashqari Xulian Alvares, Joao Pedro va boshqa yulduz hujumchilarning xizmatlariga ham qiziqish bildirmoqda.
Xarri Keynning «Bavariya» bilan amaldagi shartnomasi 2027 yilga qadar mo‘ljallangan. Taxminlarga ko‘ra, yaqin oylar ichida tomonlar shartnomani uzaytirish bo‘yicha muzokaralar o‘tkazadi.
