«Бавария» ҳужумчиси Харри Кейн «Барселона»нинг эътиборида қолмоқда. Каталонияликлар инглиз футболчисини мавсум якунида эркин агентга айланадиган Роберт Левандовскининг идеал ўринбосари сифатида кўришмоқда.
Transfer News Live нашрининг El Nacionalга таяниб хабар беришича, «Барселона» ичида Кейннинг номзодига бўлган қизиқиш ва қўллаб-қувватлаш ортиб бормоқда. Бош мураббий Ханс-Дитер Флик жамоада айнан элита даражасидаги форвардни кўришни истайди.
«Кўк-анорранглилар» айни дамда Харри Кейндан ташқари Хулиан Альварес, Жоао Педро ва бошқа юлдуз ҳужумчиларнинг хизматларига ҳам қизиқиш билдирмоқда.
Харри Кейннинг «Бавария» билан амалдаги шартномаси 2027 йилга қадар мўлжалланган. Тахминларга кўра, яқин ойлар ичида томонлар шартномани узайтириш бўйича музокаралар ўтказади.
