«Liverpul» yarim himoyachisi Florian Virs jamoadoshi Muhammad Salohning ijtimoiy tarmoqlardagi yaqinda e’lon qilgan postiga o‘z munosabatini bildirdi.

Misrlik hujumchi «Liverpul»ni raqiblar qo‘rqadigan dahshatli hujumkor jamoa sifatida yana ko‘rishni istashini ta’kidlagan edi.

«Saloh klubni allaqachon juda yaxshi biladi. U halol yigit, shuning uchun o‘zi o‘ylaganini aytadi. Bu tabiiy hol. Agar istasa, fikrini erkin bildirish huquqiga ega bo‘lishi kerak. Albatta, bu barchamiz, jumladan, Saloh uchun ham qiyin mavsum bo‘ldi. Menimcha, uning so‘zlari atrofida haddan tashqari ko‘p shov-shuv ko‘tarildi. U hech kimni ayblamoqchi emasdi. Uning bayonotlarini to‘liq qo‘llab-quvvatlayman, demayapman, lekin uning mentaliteti, voqealarga qarashi va ishlash uslubi menga yoqadi. U ko‘p narsani ko‘rgan, shuning uchun uni tinglash kerak. Odamlar boshqa o‘yinchilarning «layk»lari bilan bog‘liq voqeani haddan tashqari bo‘rttirib yuborishdi. Menimcha, u shunchaki klubdagi barchani ruhlantirib, uyg‘otib qo‘ymoqchi bo‘lgan xolos», — deya jurnalist Jeyms Pirsning so‘zlaridan iqtibos keltiradi Virs.

Eslatib o‘tamiz, Muhammad Saloh mavsum yakunida «qizillar» safini tark etadi.