«Manchester Siti» sobiq himoyachisi Mayka Richards Pep Gvardiolaning «shaharliklar» bosh murabbiyligidan ketishi borasida fikr bildirdi.

«Bu «Manchester Siti» qo‘rqqan lahza edi. Ammo butun ingliz futboli ham Gvardiolani sog‘inadi. U haqiqiy afsona va uning ketayotganidan xafaman – usiz Premyer-liga avvalgidek bo‘lmaydi.

Pep – biz ko‘rgan eng yaxshi murabbiylardan biri. Tarixdagi eng buyugimi? Bunday suhbatlarda Fergyusonga hurmat bajo keltirmaslik qiyin, ammo u boshqa davr edi. Gvardiola shubhasiz zamonamizning eng buyuk murabbiyidir.

Agar ularning har ikkisi yutgan sovrinlarga qarasangiz – bilaman, buni o‘qigan har bir kishi «Man Siti» ancha ko‘p pul sarflagan deydi va men buni tushunaman – Pep «Barselona» va «Man Siti» bilan trebl qayd etdi, buning o‘zi hayratlanarli.

Biroq ular orasidagi asosiy farq shundaki, Fergyuson buyuk menedjer edi, Gvardiola esa – eng buyuk murabbiy. U Angliyada futbolga bo‘lgan yondashuvni o‘zidan oldingi hech kim qilmagan darajada o‘zgartirdi», — deb yozdi Richards.