«Real» sobiq yarim himoyachisi, hozirda 3-divizion vakili «Mursiya» sharafini himoya qilayotgan 39 yoshli Pedro Leon Madrid klubining dunyodagi eng yaxshi jamoa ekanini ta’kidladi.
Leon «Real»dan yuqoriroq darajadagi klub yo‘qligini aytib, ayniqsa, prezident Florentino Peresning klub rivojidagi o‘rnini alohida e’tirof etdi.
«Real» – dunyodagi eng yaxshi klub. Undan yuqoriroq hech narsa yo‘q. Florentino Peres bilan juda iliq munosabatdaman. U qo‘lga kiritgan sovrinlari va titullari sabab futbol tarixidagi eng yaxshi prezident deb bilaman. Shuningdek, u inson sifatida ham juda oddiy va mehribon – u men uchun hamisha yaqin inson bo‘lib kelgan. Biz, «Real» muxlislari, bunday rahbarga ega bo‘lganimiz uchun juda omadlimiz», – dedi futbolchi.
