«Реал» собиқ ярим ҳимоячиси, ҳозирда 3-дивизион вакили «Мурсия» шарафини ҳимоя қилаётган 39 ёшли Педро Леон Мадрид клубининг дунёдаги энг яхши жамоа эканини таъкидлади.

Леон «Реал»дан юқорироқ даражадаги клуб йўқлигини айтиб, айниқса, президент Флорентино Переснинг клуб ривожидаги ўрнини алоҳида эътироф этди.

«Реал» – дунёдаги энг яхши клуб. Ундан юқорироқ ҳеч нарса йўқ. Флорентино Перес билан жуда илиқ муносабатдаман. У қўлга киритган совринлари ва титуллари сабаб футбол тарихидаги энг яхши президент деб биламан. Шунингдек, у инсон сифатида ҳам жуда оддий ва меҳрибон – у мен учун ҳамиша яқин инсон бўлиб келган. Биз, «Реал» мухлислари, бундай раҳбарга эга бўлганимиз учун жуда омадлимиз», – деди футболчи.