Yarim himoyachi Eduardo Kamavinga shu yozda «Real»ni tark etmasa kerak. Marca nashrining xabariga ko‘ra, fransuz futbolchisi yozgi transfer oynasida madridliklar safini tark etish bo‘yicha hech qanday taklifni ko‘rib chiqmoqchi emas. U kelasi mavsumni joriy mavsumdagidan ko‘ra yaxshiroq o‘tkazishni maqsad qilgan.

Shuningdek, yarim himoyachi «qaymoqranglilar» prezidenti Florentino Peresning ishonchini saqlab qolmoqda. Ularning munosabatlari juda yaxshi. Bundan tashqari, «Real» ham shu yozda futbolchini sotib yuborish niyatida emas.

Eduardo Kamavinga 2021 yilda «Renn»dan 31 million yevro evaziga «Real»ga o‘tgan edi. Uning madridliklar bilan shartnomasi 2029 yilning 30 iyuniga qadar mo‘ljallangan.

Joriy mavsumda fransuz futbolchisi barcha turnirlarda 43 ta o‘yinda maydonga tushib, 2 ta gol urdi va bitta golli uzatmani amalga oshirdi.