"Minnesota Yunayted" va Kolumbiya milliy terma jamoasi yarim himoyachisi Xames Rodriges Madridning «Real» klubida Zinedin Zidan qo‘l ostidagi faoliyati haqida fikr bildirdi.

— Zidan davrida men mashg‘ulotlarda juda yaxshi ishlardim. O‘yinlarda ham barchasini to‘g‘ri bajarardim, ikki tomonlama o‘yinlarda qatnashardim, gollar urdim va golli uzatmalar berdim. Ammo muhim uchrashuvlarda maydonga tushish vaqti kelganda, asosiy tarkibdan chetda qolardim. Shunda asabiylasha boshlardim va o‘zimga: «Yana nima qilishim kerak?» degan savolni berardim.

Gazetalar mening zaxira o‘rindig‘ida jahl bilan o‘tirgan paytdagi nigohim haqida tanqidlarga to‘la edi. Bu esa zaharli muhitni yuzaga keltirdi. Menimcha, murabbiyda boshidanoq 12 yoki 13 nafar doimiy asosiy tarkib o‘yinchilari bor edi va shu bazaga tayanardi. Biroq menda Zidan bilan hech qachon shaxsiy muammo bo‘lmagan. Men faqat o‘ynashni xohlardim. U juda ko‘p sovrinlarni qo‘lga kiritgani uchun hurmatga loyiq, — dedi Rodriges Marca nashriga bergan intervyusida.