«Manchester Siti»ning sobiq ustozi Roberto Manchini o‘n yillik shonli va muvaffaqiyatli faoliyatidan so‘ng klubni tark etayotgan Xosep Gvardiola haqida o‘z fikrini bildirdi. Uning fikricha, Gvardiola o‘n yil davomida maksimal kuchlanish talab qilgan ishdan biroz charchagan.
«U «Siti»da ko‘p yillarni o‘tkazdi va juda ko‘p sovrinlar yutdi. G‘alabalardan charchash mumkin deb o‘ylamayman, lekin futbol murabbiyi bo‘lish — bu oson kasb emas», — deya Manchinining so‘zlarini derbyderbyderby.it nashri keltiradi.
Eslatib o‘tamiz, Manchinining o‘zi so‘nggi vaqtlarda Yaqin Sharqda faoliyat yuritayotgan edi, biroq mish-mishlarga ko‘ra, u yana Italiya terma jamoasi boshqaruviga qaytishni orzu qilmoqda.
