«Манчестер Сити»нинг собиқ устози Роберто Манчини ўн йиллик шонли ва муваффақиятли фаолиятидан сўнг клубни тарк этаётган Хосеп Гвардиола ҳақида ўз фикрини билдирди. Унинг фикрича, Гвардиола ўн йил давомида максимал кучланиш талаб қилган ишдан бироз чарчаган.
«У «Сити»да кўп йилларни ўтказди ва жуда кўп совринлар ютди. Ғалабалардан чарчаш мумкин деб ўйламайман, лекин футбол мураббийи бўлиш — бу осон касб эмас», — дея Манчинининг сўзларини derbyderbyderby.it нашри келтиради.
Эслатиб ўтамиз, Манчинининг ўзи сўнгги вақтларда Яқин Шарқда фаолият юритаётган эди, бироқ миш-мишларга кўра, у яна Италия терма жамоаси бошқарувига қайтишни орзу қилмоқда.
