«Liverpul» va Germaniya terma jamoasi hujumkor yarim himoyachisi Florian Virs «bundestim»ning bo‘lajak Jahon chempionatidagi imkoniyatlarini baholadi.
«Ajoyib yozdan umidvormiz. Germaniya kuchli tarkib va ajoyib murabbiyga ega. Agar biz o‘z imkoniyatlarimizni maksimal darajada namoyish etsak, muvaffaqiyat qozonish uchun yuqori imkoniyatga ega bo‘lamiz. Biroq men bizni asosiy favoritlar qatoriga qo‘shmagan bo‘lardim», — deya futbolchining so‘zlarini The Athletic nashri keltiradi.
Mundial 11 iyundan 19 iyulga qadar AQSH, Kanada va Meksikada bo‘lib o‘tadi. Germaniya terma jamoasi jahon chempionatining guruh bosqichida Ekvador, Kyurasao va Kot-d’Ivuar milliy jamoalari bilan to‘qnash keladi.
