«Ливерпуль» ва Германия терма жамоаси ҳужумкор ярим ҳимоячиси Флориан Вирц «бундестим»нинг бўлажак Жаҳон чемпионатидаги имкониятларини баҳолади.
«Ажойиб ёздан умидвормиз. Германия кучли таркиб ва ажойиб мураббийга эга. Агар биз ўз имкониятларимизни максимал даражада намойиш этсак, муваффақият қозониш учун юқори имкониятга эга бўламиз. Бироқ мен бизни асосий фаворитлар қаторига қўшмаган бўлардим», — дея футболчининг сўзларини The Athletic нашри келтиради.
Мундиал 11 июндан 19 июлга қадар АҚШ, Канада ва Мексикада бўлиб ўтади. Германия терма жамоаси жаҳон чемпионатининг гуруҳ босқичида Эквадор, Кюрасао ва Кот-д’Ивуар миллий жамоалари билан тўқнаш келади.
