«Chelsi» himoyachisi Levi Kolvill faoliyatini Angliya Premyer-ligasining boshqa bir klubida davom ettirishi mumkin. Football Insider nashri xabariga ko‘ra, «Liverpul» 23 yoshli futbolchini o‘z tarkibida ko‘rishni istamoqda.

Kolvill joriy mavsumda «Chelsi» safida bor-yo‘g‘i 4 ta o‘yinda maydonga tushdi, bu esa uning jamoadagi kelajagi borasidagi savollarni kuchaytirdi. Futbolchining «aristokratlar» bilan tuzgan shartnomasi 2029 yilning yoziga qadar mo‘ljallangan, uning transfer qiymati esa 50 million yevroga baholanmoqda.

Ayni paytda APL turnir jadvalida «Liverpul» 5-o‘rinni egallab turgan bo‘lsa, «Chelsi» mavsumni 8-pog‘onada yakunlash arafasida turibdi.