«Челси» ҳимоячиси Леви Колвилл фаолиятини Англия Премьер-лигасининг бошқа бир клубида давом эттириши мумкин. Football Insider нашри хабарига кўра, «Ливерпуль» 23 ёшли футболчини ўз таркибида кўришни истамоқда.
Колвилл жорий мавсумда «Челси» сафида бор-йўғи 4 та ўйинда майдонга тушди, бу эса унинг жамоадаги келажаги борасидаги саволларни кучайтирди. Футболчининг «аристократлар» билан тузган шартномаси 2029 йилнинг ёзига қадар мўлжалланган, унинг трансфер қиймати эса 50 миллион еврога баҳоланмоқда.
Айни пайтда АПЛ турнир жадвалида «Ливерпуль» 5-ўринни эгаллаб турган бўлса, «Челси» мавсумни 8-поғонада якунлаш арафасида турибди.
