Londonning «Vest Xem» klubi ikki nafar futbolchisi yozgi transferlar oynasida «Manchester Yunayted» safiga o‘tishi mumkin. Bu haqda Football Insider xabar bermoqda.
Manbaga ko‘ra, «qizil iblislar»ning qiziqishlari doirasida yarim himoyachi Mateush Fernandesh va vinger Jarrod Bouen bor. Manchesterliklar agar «bolg‘achilar» Premyer-ligani tark etsa, ushbu o‘yinchilarni o‘z tarkibiga qo‘shib olishga urinib ko‘rishi mumkin.
Angliya chempionatining so‘nggi turi oldidan «Vest Xem» 36 ochko bilan turnir jadvalida 18-o‘rinni egallab turibdi. Londonliklar APL mavsumidagi so‘nggi o‘yinida o‘z maydonida «Lids»ni qabul qiladi. Uchrashuv bugun, 24 may kuni bo‘lib o‘tadi.
