Лондоннинг «Вест Хэм» клуби икки нафар футболчиси ёзги трансферлар ойнасида «Манчестер Юнайтед» сафига ўтиши мумкин. Бу ҳақда Football Insider хабар бермоқда.
Манбага кўра, «қизил иблислар»нинг қизиқишлари доирасида ярим ҳимоячи Матеуш Фернандеш ва вингер Жаррод Боуэн бор. Манчестерликлар агар «болғачилар» Премьер-лигани тарк этса, ушбу ўйинчиларни ўз таркибига қўшиб олишга уриниб кўриши мумкин.
Англия чемпионатининг сўнгги тури олдидан «Вест Хэм» 36 очко билан турнир жадвалида 18-ўринни эгаллаб турибди. Лондонликлар АПЛ мавсумидаги сўнгги ўйинида ўз майдонида «Лидс»ни қабул қилади. Учрашув бугун, 24 май куни бўлиб ўтади.
