2025/2026 yilgi mavsum Germaniya Kubogi finalida Myunxenning «Bavariya» klubi «Shtutgart» bilan to‘qnash keldi. Vensan Kompani shogirdlari raqiblari ustidan 3:0 hisobida ishonchli g‘alabaga erishdi.
Myunxenliklar darvozaboni Manuel Noyer uchun bu sovrin musobaqadagi yettinchisi bo‘ldi. Opta ma’lumotlariga ko‘ra, tajribali darvozabon shu tariqa «Bavariya»ning sobiq yarim himoyachisi Bastian Shvaynshtaygerning rekordini takrorladi.
Noyer 2011 yilning yozidan buyon «Bavariya» safida harakat qilib kelmoqda. Darvozabonning klub bilan amaldagi shartnomasi 2027 yil iyun oyi oxirigacha mo‘ljallangan. Ayni damda futbolchining transfer qiymati 4 million yevroga baholanmoqda.
