«Arsenal» oradan 22 yil o‘tib, ilk bor Angliya chempioniga aylandi. Endi London jamoasi 2026/27 yilgi mavsumda Premyer-liga titulini himoya qilishni rejalashtirmoqda.
Unvonni himoya qilish rejasi doirasida «to‘pchilar» o‘zlarining transfer maqsadlarini tanlab olishdi. London klubi jamoaga yuqori darajadagi hujumchi kerak deb hisoblamoqda. «Arsenal» jamoaning himoyadagi harakatlaridan mamnun, biroq hujum chizig‘ida mahorat yetishmayapti degan fikrda. Bu haqda The Touchline nashri xabar bermoqda.
«Arsenal»ning fikricha, hujum chizig‘i kerakli darajada kuchaytirilsa, jamoa Angliyada ko‘p yillar davomida hukmronlik qila oladi. Ayniqsa, Xosep Gvardiolaning «Manchester Siti»dan ketishini inobatga olganda, bu imkoniyatlar yanada yuqori baholanmoqda.
