«Арсенал» орадан 22 йил ўтиб, илк бор Англия чемпионига айланди. Энди Лондон жамоаси 2026/27 йилги мавсумда Премьер-лига титулини ҳимоя қилишни режалаштирмоқда.

Унвонни ҳимоя қилиш режаси доирасида «тўпчилар» ўзларининг трансфер мақсадларини танлаб олишди. Лондон клуби жамоага юқори даражадаги ҳужумчи керак деб ҳисобламоқда. «Арсенал» жамоанинг ҳимоядаги ҳаракатларидан мамнун, бироқ ҳужум чизиғида маҳорат етишмаяпти деган фикрда. Бу ҳақда The Touchline нашри хабар бермоқда.

«Арсенал»нинг фикрича, ҳужум чизиғи керакли даражада кучайтирилса, жамоа Англияда кўп йиллар давомида ҳукмронлик қила олади. Айниқса, Хосеп Гвардиоланинг «Манчестер Сити»дан кетишини инобатга олганда, бу имкониятлар янада юқори баҳоланмоқда.