«Liverpul» chap qanot himoyachisi Endryu Robertson faoliyatini «Tottenxem»da davom ettiradi. Jurnalist Ben Jeykobsning xabar berishicha, «shporlar» shotlandiyalik futbolchi bilan prinsipial kelishuvga erishgan.
32 yoshli futbolchi agar «Tottenxem» Premyer-ligadagi o‘rnini saqlab qolsa, London klubiga o‘tishga rozilik bildirgan edi. Roberto de Dzerbi shogirdlari kecha so‘nggi turda «Everton»ni mag‘lub etib, Chempionshipga ravona bo‘lishdan qutulib qolishdi.
Endryu Robertsonning «Liverpul» bilan tuzgan shartnomasi yozda o‘z nihoyasiga yetadi, shu sababli u «Tottenxem»ga erkin agent sifatida o‘tadi. U mersisaydliklar sharafini 2017 yildan buyon himoya qilib kelayotgandi va shu vaqt mobaynida jamoa safida 378 ta o‘yinda maydonga tushgan.
